معجنات سهله وبسيطه من مطبخى فطائر محشيه سهله من مطبخى طريقة عمل الفطائر المحشيه
صفحة 1 من اصل 1
معجنات سهله وبسيطه من مطبخى فطائر محشيه سهله من مطبخى طريقة عمل الفطائر المحشيه
من طرف Admin السبت أكتوبر 10, 2015 1:03 pm
وحشتونى ياقمرات
انهارده هقدملكم طريقه سهله وبسيطه جدا لعمل فطاير لذيذه عملتها بحشوتين واحده حادق والتانيه حلو وكله بالصوور
يلا تابعونى
المقادير
دقيق
لبن
خميره
زيت
ذرةملح
ذرةسكر
بيكينج باودر او محسن كيك معلقه صغيره
للحشو الحادق
ممكن تحشى اى حاجه عندك فى البيت يعنى انا حشيتها جبنه شيدر وطماطم وفلفل رومى وعليهم ملح وفلفل اسمر ورشة زعتر وروز مارى وكمون
وممكن زتون وجبنه رومى او لحمه مفرومه او سجق
يعنى ممكن تحطى اى حاجه متوفره عندك
الطريقه
اول حاجه
فى كوبايه لوحدها
هندوب الخميره مع معلقه صغيره سكر فى شوية ميه دافيه ونسيبها حوالى 10 دقايق لو الجو برد سيبيها ربع ساعه او لحد ما ترتفع
بعدها
هنحط المقادير الجافه على بعضها
الدقيق والملح والسكر ومحسن الكيك ونقلبهم
بعد كده هنضيف اللبن الدافى والزيت والخميره ونبتدى نعجنهم كويس جداا
زى كده
شوفى ماسكه نفسها ازاى يعنى ولا بتلزق ولا غيره
هنسيبها تخمر لحد ما يتضاعف حجمها
بعد كده هنبتدى نفردها على رخامه نضيفه بالنشابه بيبقى سمكها حوالى 3 مم يعنى رفيعه مش سميكه
بعد كده هنقطعها بالقطاعه او بالطبق زى مانا عملت
خدى بالك وانتى بتفردى رشى دقيق عالرخامه بسيط لو حسيتى العجينه بتلزق
هناخد فطيره من الصغيرين وهنحشيها بالحشو اللى عندنا
اللى هو الجبنه والطماطم والفلفل والتوابل
هنحط الحشو فى النص ونقفلها زى القطايف كده ونضغط على حروفها بالشوكه كويس جدا عشان اما تدخل الفرن ماتتفتحش منك
هنبتدى نرص فى الصينيه ونكون مجهزين بيضه مخفوقه كويس وبالفرشه هنلمع وش الفطيره ولو عندك سمسم ترشى عليها بس انا مكنش عندى
بصى كده شكلها بعد ما لمعتها بالبيض
هندخلها الفرن على الرف اللى فى النص عشان متتحرقش وتابعيها مبتاخدش وقت اول ما تلاقيها احمرت من تحت تشغلى الشوايه وتاخدى بالك جدا لتتحرق منك لانها مش هتاخد وقت
وده شكلها النهائى
بالنسبه للحلو
انا حشيتها جوز هند وزبيب واما خرجت من الفرن رشيت عليها سكر بودر وممكن كمان تحشيها شيكولاته او اى حاجه حلوه عندك برضه هتبقى حلوه وده شكلها
وبكده نبقى عملنا فطاير سهله وبسيطه ومش هتاخد منك وقت ولا مجهود وبتكلفه بسيطه كمان
اتمنى انها تعجبكو
واعزرونى الصور مش واضحه اوى كاميرا الموبايل بايظه
اسيبكم فى رعاية الله
بالف هنا
منقوووووول
Admin- Admin
- المساهمات : 11276
تاريخ التسجيل : 20/04/2015 -
مواضيع مماثلة» وصفه معجنات عبقريه هتجنن العالم كله بدون عجن❗فطائر سهله وسريعه تنفع تفريز❗طريقه خبز سهله لكل الوجبات
» وصفه معجنات عبقريه لكل الوجبات❗فطائر بعجينه هشه و مقرمشه اروع من الجلاش تنفع تفريز❗طريقه فطائر سهله
» وصفه معجنات عبقريه بدون عجن❗فطائر قطنيه بحشوه روعه لكل الوجبات و تنفع تفريز❗طريقه فطائر سهله وسريعه
» وصفه معجنات عبقريه بدون عجن لكل الوجبات❗فطائر سهله بحشوه روعه بدون لحوم تنفع تفريز❗طريقه فطائر سريعه
» معجنات عبقريه لكل الوجبات وللمدارس واقتصادية بدون لحوم وتنفع تفريز‼️بدون بيض اوحليب‼️وصفه فطائر سهله
» وصفه معجنات عبقريه لكل الوجبات❗فطائر بعجينه هشه و مقرمشه اروع من الجلاش تنفع تفريز❗طريقه فطائر سهله
» وصفه معجنات عبقريه بدون عجن❗فطائر قطنيه بحشوه روعه لكل الوجبات و تنفع تفريز❗طريقه فطائر سهله وسريعه
» وصفه معجنات عبقريه بدون عجن لكل الوجبات❗فطائر سهله بحشوه روعه بدون لحوم تنفع تفريز❗طريقه فطائر سريعه
» معجنات عبقريه لكل الوجبات وللمدارس واقتصادية بدون لحوم وتنفع تفريز‼️بدون بيض اوحليب‼️وصفه فطائر سهله
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى