تورتة بطريقة تزيين مبتكرة

الحمد لله والصلاة والسلام على رسول الله واله وصحبه اجمعين
ازيكم يا حلويين
اكيد حتشوفو تورتة شيكولاته ان شاء الله
وكمان شرح لطريقتي في تزيين التورتة لكل اللي طلبوها مني..




المقادير للكيكة:
4 كوب دقيق
1 ونص كوب سكر
كوب ماء دافي
معلقه محسن
8 بيض
ربع كوب زيت
فانيليا
معلقه بكنج باودر

بس انا شلت من الدقيق 6 معالق كبيرة وحطيت بدالهم كاكاو خام

الطريقة:
نضرب المقادير السايله مع بعض الاول لمدة 5 دقايق وبعدين نحط الدقيق ونضرب 5 دقايق تانيين ونصبها في صينيتين مقاس متوسط او صينيه مقاس 26 ونحطها في فرن متوسط الحراره 180درجه وبتاخد 45 دقيقه
ودي الطريقة بتاعت شيماء

دي الكيكة بعد التقطيع




وحشيتها كريم شانتية بالشكل دا..



وغطيتها كمان بالكريمة ..



وكان عندي بواقي كيك قطعتو مربعات بالشكل دا..



وسيحت شيكولاته وغطيت المربعات في الشيكولاته..



وزينت التورتة بيهم بعد ما جمدت الشيكولاته بالشكل دا..











وبعد ما تجهو بحطها في التلاجة مدة 6 ساعات علشان تمسك نفسها
وبكدا لما تيجي تقطعيها حتكون مظبوطة ان شاء الله..
وتقدم





















..