وصفه للحمل وضعف الحركه عند الرجل دعواتكم^_^

من طرف **Admin** الثلاثاء فبراير 19, 2019 2:47 am

السلام عليكم ورحمة الله وبركاته

اخواتي في الله حصلت اثناء تصفحي لنت وصفه لاخت وحبيت انزلها هنا وان شاء الله تستفيدون منها

راح انسخها لكم زي ماهي دعواتكم لي

المشاركة الأصلية كتبت بواسطة 78207682

السلام عليكم كيفكم ,,,

انا متزوجه من اربع سنوات وبديت يمكن اراجع المستشفى بعد سته شهور وتعرفون المستشفيات كل شي يطلعونه فيك قالو عندي ضعف في التبويض واخذت كلوميد المهم وتركت المستشفى فتره ورحت مستشفى ثاني وقتها طلبت الدكتوره تحليل من زوجي

وطلع عنده ضعف في الحركه واعطوه فتمينات وخرابيط كثيره

ومن هالموال مره نراجع وفتره نتناسى الموضوع

لين اول السنه هذه في شهر واحد رحنى مستشفى وقالت الدكتوره

انابيب هذا الحل عشان تحملين وقتها تحمست صرت فعلا ابغى احمل

بس زوجي قال لا خلينا شوي بعد انا سكت وقتها قلت ابغاه يقتنع من نفسه

المهم معاد رحنى نسينى الموضوع

لين شهر سته صديقتي اعطتني خلطه استخدمها اخوها عندوه ضعف في الحركه وحملت زوجته

وقتها قلت لزوجي وقال خليها بعد رمضان كان عندنا سفره وقتها

بس انا تحجمت في هذا الشهر وزجي بعد تحجم يمكن ثلاث مرات ورا بعض يعني كل شهر مره

المهم جاء اخر سبعه وصارت ضروف ومسافرنا وقلت لزوجي وش رايك اسويلك الخلطه وافق

سويتله الخلطه واستخدمها وقتها كان يوميا يشرب زنجبيل اقل شي خمس فناجيل ويمشي ساعه...

ادري اني طولت عليكم مع اني ماكتبت معناة اربع سنوات من الحرمااااااااان

وعلى فكره انا الحمدلله ماعندي شي..انا اوصيكم بالصدقه كنت دايم اتصدق الحمدلله وكفلت يتيم ويمكن ربي يسر حملي بسسب الصدقه والله اعلم

طبعا زوجي استخدم الخلطه وانا حملت بيمشيئة الله وانا صرت في ثلاث شهور اللحين ومابغى منكم الا دعواتكم ان ربي يتمم حملي على خيييييير

والله انكم في بالي عشان اكتب الخلطه هنا بس كنت تعبانه شوي من الوحم

الخلطه هذه شويه طعمها موحلو بس عاد الله يعين اللي بياخذها

يتحمل كله فدا النونو

انا مااقول اللي بتاخذها بتحمل ميه بالميه كل شي بارادة الله

وهذه يمكن سبب فقط.

الخلطه<<المقدار فنجال قهوه

نص فنجال هيل

نص فنجال مسمار

نص فنجال حبه سودا

اقل من النص باشويه فنجال بذر الفجل

نفسه فلفل اسود

نصف كيلو عسل اصلي

ربع كيلو زبيب اسود

اول شي انا بصراحه غسلت كل الحبوب وحطيتها في صحن ونشفت طول الليل

والليوم الثاني طحنتها كلها طحن ناعم جدا

والزبيب بعد غسلته وحطيته في قطاعة البصل وجرشته شوي عشان مايزعجه كثير وقت الاكل

حطو العسل في علبه قزاز وحطو عليها كل المكونات واخلطوها زييييين واذا بتقرون الرقيه عليها بيكون احسن

ملعقه قبل الفطور

وملعقه قبل النوم

ويشرب بعدها كاست مويه عشان بتكون حاره شوي

زوجي استخدها اقل من شهر وقفها لانه القلون التهب عنده

بس الحمدلله حملت ماشاءالله تبارك الله

صديقتي قالت اذا مصار الحمل في شهر تترك شهر عشان المعده ترتاح شوي ويرجع الشخص ياخذها الشهر اللي بعدها

والله ان هذه الخلطه اللي استخدها زوجي

ويااااااااااااااااااااااااااارب انكم تحملون وتفرحون مثل الفرحه اللي فرحتها ياااااااااااارب يارحمن

ويارب يتمم عليه بخير

منقووووووووول