بيتزا بلفيله المبهر مع البصل وكمان طريقه عمل بديل للجبنه الموزريلا -

السلام عليكم ياقمرات

عاملين ايه

وحشتوني بحبكم قوي


عملت بيتزا بفليه الفراخ المبهر مع البصل
بعجينه العشر دقايق



اول حاجه جبت فيليه فراخ وقطعتهم رفيع جدا وتبلتهم من بليل
وبهرتهم كويس قوي ببهارات الفراخ والكاري
تاني يوم سخنت حته زبده وشووحت فيها الفيليه بسيط
وضفت ليه بصل مقطع



وجهزت العده بتاعتي كده


فيليه الفراخ
بصل وطماطم وزيتون
كاتشب
وزعتر وزيت زيتون



وده بقي بديل الجبنه الموزريلا

جبنه رومي مبشوره
مع معلقه جبنه سايله مش عندك حطي جبنه نستو
وبيضه ورشه فلفل اسود
اضربهم مع بعض بشويه لبن كده


هجيب العجينه وافردها في الصينيه كده
ندهنها زيت زيتون ونرش رشه زعتر وبعدين ندهن كاتشب او صلصه البيتزا كده


هنحط مكوناتنا كلها كده


ونضيف الخليط اللي احنا عملناه كده


وندخلها الفرن
ودي لما طلعت

والله ولا في فرق عن الجبنه الموزريلا



ودي حته في ايدي اهي كانت بيتزا حلوه قوي والفراخ كانت عليها طعمها جمييييييل يمممممممممممممي يمممممممممممي جوعت


انا كده خلصت ياقمرات

بالله عليكي ماتخرجي الا لما تقيمي الموضوع ده

والسلام عليكم


اللهم صل علي سيدنا محمد
منقووووول