علاج مجرب وسريع للكحه وخاصة الليليه والبلغم ولزيادة المناعه

بس الي عند طفلها اسهال لاتستخدمها 

تجيبي زيت سمسم اصلي

مو من المعصره الطازج لا

لانه مب نظيف ومعقم

جيبي من المعلب الجاهز من المعاصر زي معصرة الجمل ممتاز واصلي ان شاءالله وسعره 8 ريال نص لتر تقريبا

وكل ليله قبل النوم دفيه شوي ودهني جسمه كلللللللللللله مساج خفيف

واقدامه زيت سمسم مع فازلين نقي عشان يمسك ومايروح بسرعه مع الشراب (الجوارب)

ولبسيه بربتوز(ملابس داخليه قطن) وبجامه قطن كمها طويل تغطي جسمه كله

وشغلي التكييف عادي بش منخفض وسط يعني لاحر ولابرد مو تكتمينه حر لان ملابسه ثقيله لاتخافي

اهم شي مايكون مواجه للتيار الهوائي حطيه بعيد عنه

وجيبي رضعه دااااافيه وحطي فيها ملعقه عسل اسود حق قصب السكر مع ملعقه زيت سمسم وحطيهم مع الرضعه رجيها مزبوط وشربيه بالعافيه

هالطريقه تستخدميها اسبوع كاامل او الين يتحسن بس مو اقل من 5 ايام

ورضعة الحليب والزيت والعسل تكرر خلال اليوم 3 مرات بس العسل قلليه مررره يعني خليه ملعقتين حقت الحلا ووزعيها خلا اليوم على الرضعات كلها يعني يكون مجموعها النهائي ملعقتين بس لان الزياده ماتصلح

وبقية الرضعات عاديهبدون زيت وعسل بس احتمال طفلك يرفض الحليب بدون العسل لانه بيتعود على طعمة السكر فرح يرفضها بدونه يعني خلي بالك لاتقولين ماقلت

واذا طفلك مايشرب حليب حطي الزيت والعسل بالعصير بالاكل بأي شيحتى لو لحالهم عادي

وخلال هالاسبوع يفضل مايتحمم واذا لازم مومشكله

وخففي الالبان الزبادي والجبن واللبن الخ لانها تحبس البلغم اذا كحتة طفلك ببلغم

واذا كبير يعني 3 سنين وفوق حطيله شوية زنجبيل مع الحليب

يمكن تلاحظين مع هالبرنامج ان طفلك بدا يكح بعد الزيت مباشرة لاتخافي لانه قاعد يطلع البلغم

هالكلام لكل الاعمار من 3 شهور لفوق

بس الي اقل من سنه تكتفي بالزيت وتحذف العسل لانه مضر لتحت السنه

وكمان غيروا الحليب لانه سبب في زيادة الكحه الطبيب يعرف الحليب الي مايسبب الكحه بيكون خالي من ماده مدري شسمها تزيد البلغم والكحه

ولما يتحسن ارجعي لحليبه

وانصحكم لاتخلون بناتكم واولادكم الصغار في المولات والمستشفيات بكم قصير وبرمودا الخ

لان هالاماكن باااااااااااارده حتى لو بالصيف 

انا بعباتي وابرررررررد في المول فمابالك بهالصغار

اولبسيهم خفيف وخلي معاك احتياط لوشفتي الجو باارد ستريهم

او لبسيهم خفييييييييف بس مغطي الجسم كله

ولاتنسوا الاذكار والتسميه

ولزيادة المناعه عشان هالامراض المنتشره انصحكم تغسلون حبة البركه وتجففونها وكل يوم حطي بفم كل طفل 3 حبات وخليه يبلعها بس لاتكثري عن 3 لانها تصير مضرررره او اطحنيها وحطي رشه بين اصابعك لكل طفل على الاكل ولو مع العسل افضل حتى لو مو اصلي مومشكله كله عسل زي عسل الشفاء كويس

وشربيهم يانسون مرتين بالاسبوع

وزبادي بالثوم يوم ويوم

نصييييييييحه لاتتساهلون الموضوع يخوووف وفي النهايه الله يحمينا هو الحامي والنعم بالله

والله مستعجله وموفاضيه بس لاني احبكم دخلت المنتدى وكتبته دعواتكم ربي يشفيني