لى كل من تعاني من الالتهابات المهبلية ... مجرب والله

من طرف **Admin** الإثنين سبتمبر 18, 2017 6:39 pm

من اسبوع تئريبا وانا بعاني من التهابات مهبلية بتسببلي حكة وكمان جرح في المهبل كتير مزعجة والله مو عارفة اقعد او انام او اتحرك من وجعها حتى اجاركم الله ما كنت عم بعرف اروح الحمام ، وبحس متل كانه سكاكن بتئطعني

جربت اعمل مغطس ميرمية وبعدين حطيت فازلين خف شوي بس ما راح ، لحتى تجرأت وحكيت لماما كنت كتير خجلانه احكيلها وخجلانه اروح لدكتورة ، وزوجي دايما بيحكيلي طب ازا ما بدك دكتورة اسألي امك المهم بعد عناد طويل سألتها

حكتلي على وصفة قلت ما رح اخسر شي رح اجربها المهم اني اتريح

طولت عليكم بعرف الوصفة هي عبارة عن بقدووووووونس والله بقدونس

الطريقة : جيبي بقدونس واغسليه كتير منيح وبعدين افرميه مو شرط يكون ناعم كيف ما كان المهم بتفرميه وبتحطيه في الخلاط وبتحطي عليه شوية ماء وبعدين بتخلطيه وبتصفيه وبتشربي عصيره هو طعمه مو كتير زاكي بس كتير منيح ، انا حطيتهم في كاسة وشربتهم دفعة وحدة وبعد هيك بتجيبي البقدونس يللي ضل بالخلاط وبتكوني مصفيتيه طبعا وشاربه المي تبعته ( عصيره ) بتعصريه بايدك وبتجيبي فوطة اولويز وبتحطي كمية معقولة عليها من البقدونس وبتلبسيها وخليكي اطول فترة ممكنة انا قعدت 5 ساعات ازا بدك اكتر او اقل مو مشكلة بس الافضل انك تطولي فيها ، والله يا بنات كتيييييييييييييييييييييييييير جابت نتيجة معي ، مو معئول

هادي هي طريقة تعلمتها واستفدت منها كتير بتمنى انكم تجربوها ورح تدعولي

منقووووووووووووووووووووول