المقادير:

كيس خبز توست
حليب

لحشوه :

بصله مفرومه ناعم
دجاجه او باكيت صدور دجاج مسلوق ومفت
جزره كبيره مبشوره او 3 صغار مبشورين
علبه مشروم مقطع شرائح
فلفل بارد مقطع مكعبات صغيره
شبت وكزبره مفرومين
عصير ليمونه صغيره
ملح وفلفل اسود وبهارات

لصلصه:

علبه جبنه بوك صغيره
1 قشطه
كاس حليب
علبه وحده مايونيز قودي صغير ( لحظه بس قبل لا تهونين ترى مو كثير لان الصينيه كبيره وبيتوزع وقودي خفيف ) ولازم قودي لاني لما غيرت المايونيز ما ضبط... مب تسوينها بغيره وعقب تقولين ماضبط هذا انا اقول لج لازم قودي...

الطريقة :

الحشوة : في قليل من الزيت حمري البصل وضيفي له المشروم وخليه لين يذبل وضيفي الفلفل والجزر والدجاج وباقي مكونات الحشوه وعقب ما تنضج اعصري عليها عصير اليمونه وترى هالخطوة مهمه والله لا تنسين الليمونه ...

قطعي اطراف التوست وصفيه في صينيه التقديم وبلي اطرافه بالحليب بواسطه الملعقه
وزعي الحشوه فوق طبقه التوست وصفي فوقها طبقه ثانيه من التوست الي ازلتي اطرافه
اخلطي مكونات الصلصه وحطيها على الوجه ودخليها الفرن لين ما يحمر الوجه
وبالعافيه