ميزانيه مفصله لأسره متوسطه من 5 افراد ميزانيه مشتريات لأسبوع كامل لأسره متوسطه
صفحة 1 من اصل 1
ميزانيه مفصله لأسره متوسطه من 5 افراد ميزانيه مشتريات لأسبوع كامل لأسره متوسطه
نبدأ بأسم الله الرحمن الرحيم بعمل ميزانيه مفصله لأسره متوسطه مكونه من 5 افراد ولمدة اسبوع
اولا اسعار الخضروات والفواكه حسب السوق المصرى
الخضروات
طماطم من 2ج الــــى 250ق
رزمصرى من350ق الــــى 4ج
مكرونه انواع سعر الكيلو4ج
شعريه سعر الكيــــــلو 4ج
كرنـب وسط من4ج الــــى 7ج
بطاطس من 150ق الــــى 2ج
بذنجان رومى من3ج الى350ق
فلفل رومى من350ق الـى 4ج
شبت وبقدونس وكزبره وسلق50ق
بصل احمــــــر الكيلو 350ق
بصل اصفر الكيــــــــلو 3ج
شبكة الثــوم الصينى ب 350ق
كيـلو ثوم بلـــــــدى 20 ج
خيار من 350 ق الــــــى 4ج
جـــــزر من 3ج الـــــى 4ج
بسله سعر الكيــــــــلو 6ج
قلقاس سعر الكيـــــــلو 5ج
فاصوليا خضرا سعر الكيلو 6ج
لحوم واسماك
سمك بلطى من11ج الــــى 14ج
سمك ماكريل من 16ج الـى18 ج
جمبرى جامبو 130 ج للكيــلو
جمبرى وسط من 80ج الى 90 ج
جمبرى صغير من 50ج الـى 60ج
فـراخ سعر الكيـــــلو 16 ج
بانيه فراخ سعر الكيـلو 40ج
كيــــــــــلو الاوراك 19 ج
سـعر اللحم البلدى كنـدوز70ج
سعر اللحم البلدى بتــلو 60ج
سعر اللحم الجملى الممتاز55ج
سعر اللحم الضانى الممتاز80ج
فاكهه
برتقال بصره من2ج الى 250ق
يوسفــى بلدى او سكرى 250ق
برتقال بلدى او سكرى2ج للكيلو
فرواوله سكرى 6 ج للكيـــــلو
موز بلدى 6ج للكيــــــــــلو
مبدئيا
احنا هننزل السوق نشترى طلبات الاسبوع مره واحده وهتكون كالآتى
1/2 لحمة بلدى 35 ج
1/2 مفروم جملى 27.5 ج
فرخه كيلو ونص حوالى 22 ج
1/2 بانيه 20 ج
كيلو سمك بلطى وسط 13ج
كيلو سمك ماكريل 18 ج
كده خلصنا من اللحوم حسابها 135.5 جنيه
نيجى للخضار والفاكهه
كرنبه متوسطه الحجم+شبت وبقدونس وكزبره7ج
هنجيب حوالى 5ك طماطم ب10ج
هنجيب 3ك بطاطس ب6ج
كيلو قلقاس وحزمتين سلق 6ج (ممكن نستبدل القلقاس بالبسله<نفس السعر>)
كيلو بدنجان رومى 3.5
1/2فلفل رومى 2ج
2ك بصل 7ج
شبكة ثوم 3.5ج
ك خيار 4ج
ك جزر 3.5
3 حزم بقدونس 1.5ج
3ك برتقال 7.5ج
3ك يوسفى7.5ج
2ك او موز 12ج
1/4 ك بدنجان عروس للتخليل 1ج
دول حسابهم 82 جنيه
نيجى للمكرونات والعلافه
هنجيب اكلة كشرى
(1/2 مكرونه متوسطه-1/2 مكرونه صغيره-1/4 عدس بجبه-3/4ك رز-1/4 شعريه-1/4حمص الشام )
حوالى 15 جنيه
هنجيب 3ك رز 10.5ج
1/2 شعريه2ج
ك مكرونه 4ج
بهارات متنوعه (فلفل اسمر-كمون-بهارات)5ج
زجاجة خل 2ج
طحينه سايبه 3ج
بالنسبه للعيش هنجيب ب2ج من العيش المدعم بتاع البطاقه يعنى 40 رغيف هيكفى باقى الاسبوع
كده يبقى المجموع 43.5 جنيه
بالنسبه للسوبر ماركت
كيلو جبنه بيضه 20ج
عدد 20 بيضه 15 ج
حوالى 5 ك لبن 35 ج
1/2 جبنه قاريش 5ج
1/4مش اسكندرانى 2.5ج
برطمان مربى + برطمان عسل اسود حوالى 10ج
علبة جبنه مثلثات 5ج
هنجيب بحوالى 10ج فينو
(ده معدل استهلاك الاسره تقريبا فى الاسبوع)
و5 ج باتيه بالجبنه
2.5ج بقسماط
دول مجموعهم 112 جنيه بالتمام
بالنسبه للفول والطعميه هنخليهم 3 مرات بالاسبوع بس عشان القولون ههههههه
هنجيب ب6ج فول
وب4ج طعميه
يبقى كده 10ج
وعدد 2 فطير مشلتت وسط 15ج
يبقى كده هنصرف فى الاسبوع حوالى
مبلغ 400 ج
او اقل بحاجات بسيطه
تعالو بقى اقولكو هناكل ايه كل يوم
اليوم الاول
الفطار / 1/4 جبنه بيضه - 5 بيضات - شاى بلبن -فينو
الغدا / 1/2 لحمه بلدى - قلقاس او بسله - رز بالشعيريه
العشا/ هيبقى عشا خفيف شاى بلبن - بقسماط او سندويتشات جبنه
اليوم التانى
فطار / لبن - باتيه
الغدا / مسقعه مصرى - بطاطس محمره - سلطه
العشا / حوواشى (لحمه مفرومه وبصل وعيش بلدى)
اليوم التالت
الفطار/فول - طعميه -بطاطس محمره - عيش بلدى
الغدا/ فراخ بانيه - مكرونه بصوص الطماطم - سلطه
العشا / فطير مشلتت - عسل وطحينه
اليوم الرابع
الفطار/ فول - طعميه - عيش بلدى - بدنجان مخلل
الغدا / كشرى مصرى
العشا / جبنه وبيض ومش اسكندرانى بطاطس محمره
اليوم الخامس
الفطار / بيض وجبنه عيش بلدى
الغدا / كفته مصرى باللحمه الجملى والرز - رز بالشعريه - سلطه
العشا/ زى الغدا بالظبط
اليوم السادس
الفطار / شاى بلبن - بيض - جبنه قاريش - عيش بلدى
الغدا / محشى - فراخ
العشا / فينو ومربى وقشطه (مش هنشتريها هنطلعها من اللبن) جبنه مثلثات
اليوم السابع
الفطار / فول وطعميه وبطاطس مهروسه او محمره
الغدا / سمك بلطى مقلى وصينية ماكريل فى الفرن ورز بالبصل مع سلطه خضرا وسلطة طحينه
العشا / شاى بلبن وفينو وجبنه
طبعا ياجماعه فى حاجات كتير التموين ممكن يوفرهالنا بس احنا بنقول على فرض ان مفيش بطاقه تموينيه وكمان مش عايزين ننسى ان احنا عملنا ميزانية اسره متوسطه يعنى تقريبا ممكن يكون دخل الاسره دى شهريا حوالى 3000ج
اتمنى يكون الموضوع عجبكم
منتظره ارائكم واقتراحاتكم
مع سلامة الله
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى