أفكار للأطفال جميلة:

أفكار  للأطفال جميلة 
رمضانك وأنتِ مع حبات القلب
براعم صغيرة لسة بتتعلم وتتربي. 
أنتِ بتبقي متخيلة إنهم بيمنعوكي من العبادة
ومتعرفيش إنك معهم في عبادة من أهم ما يكون 
أنتِ بتربي عباد لله
بتطلعي جيل موحد لله
دوشتهم وصداعهم مأجورة فيها 
تعالي نعيشهم أحلى رمضان مع حبات القلب
 
ونخليهم يستنوا رمضان كل عام بفرحة
نعيشهم رمضان صح ونربيهم علي سنة النبي صل الله عليه وسلم. 
اعمليلهم بهجة: 
قبل رمضان اشتري لهم لبس مخصوص للصلاة ،، الولاد بتفرح أوي بالاهتمام والخصوصية.
من سن سنتين بيفهموا الاختلاف 
اعملي معاهم زينة بالورق وقصيها زي بتاعة زمان خليهم يعلقوها في اوضتهم أو البلكونة 
هاتي سجاد من الصغير سعره بسيط وألوانه مبهجة عشان يحسوا بخصوصيتهم
ويعملوا سباق مين هيخلص 100 سبحان الله الأول :
وقوليلهم إنها بتزرع في الجنة نخلة ساقها ذهب
اعملي بيهم دايرة: وقوليلهم يلا نحوش كنز في الجنة ونقول لا حول ولا قوة إلا بالله
قوليلهم يلا نقرأ القرآن سوا ومسكيهم أجزاء صغيرة وخليهم يقرأوا وراكِ. 
قرايتك معاهم هتخليهم يحبوا القرآن:: ودة ثوابه أعلى ما تقرأي لوحدك وتسيبيهم قدام الشاشة يتفرجواعلي خراب العقول والدين::
وقت تحضير الفطار:sخلي دورهم يحطوا في الأطباق :: التمر بعدد وفهميهم هنفطر زي سيدنا محمد صل الله عليه وسلم
اعملي جوايز للصيام
بلالين ملونة جواها أنواع مختلفه من الحلوى والهدايا البسيطة.
مثلاً لغاية الظهر بالونة صفرة جواها هدية 
لغاية العصر بالونة خضرة جواها هدية أحلى:g 
لغاية المغرب اعمليله تاج من الورق المفضض وهدية نقدية 
اعملي جدول كل أذان واحد فيهم هيسبق يفرش سجاد الصلاة
واحكيلهم قصص الأنبياء أو الصحابة في ميعاد ثابت يستنوكي زي ما بيستنوا الكارتون اللي خرب عقول العيال
لو مش عارفة القصص فرصة تتعلمي معاهم هاتيها من مواقع ثقة زي  قصة الإسلام مثلاً
أو انزلي أي مكتبة إسلامية هتلاقي قصص أطفال إسلامية جميلة جداً ومصورة
علميهم الصلاة واتعلمي معاهم
فرصتك تبني نفسك مع ولادك 
الاهتمام بيهم في رمضان أهم من الاهتمام بالتنضيف والعزايم وبرامج قنوات الطبخ. 
الاهتمام مرحبا وتربيتهم فرض. 
والتراويح سُنة
والفرض أولى من السُنة. 
كل القيم في حياتنا مقلوبة 
أهم حاجة في حياتنا إننا نربي جيل مسلم موحد عارف دينه وسط زمن الفتن :tv
أم الاطفال عبادتها الأساسية هي تربية الأطفال 
فهي في جهاد معهم ،،، لو عرفتي إنك راعية ومسئولة عن الرعية وأنك محاسبة عن نشأتهم وعن أخطائهم لإنك طلعتيهم مش عارفين دينهم وربهم ورسولهم :
خلي حبات قلوبنا أولوية في حياتنا:
لو أنت أم، جدة،خالة، عمة، أخت.
ممكن تقدري يكون لك نصيب من هذه الأفكار بحسب استطاعتك فلا تبخلي.
فكل معروف صدقة