قواعد القهوة الأربعون

قواعد القهوة الأربعون
0





إليكم قواعد القهوة الأربعون

•  النسكافيه مش قهوة! وكل أنواع القهوة السريعة التحضير مش قهوة! دي مشروبات أطفال.
  

•  القهوة والشوكولاتة أصحاب. معروفة!
  

•  ماتشربش قهوة بعد ماتاكل حاجة حراقة، ح تبقى مزعجة جداً.
  

•  القهوة بتتشرب من غير فيروز، عادي جداً!
  

•  إدمان القهوة لا يعني الاستمتاع بالقهوة، والاستمتاع بالقهوة لا يعني إدمان القهوة.
  

•  الكافيين مادة addictive.. زيه زي السجاير والمخدرات، بس الحمدلله إنه مش مضر زيهم.. لو عرفت تنظم جرعتك اليومية ح تعيش برنس.
  

•  القهوة التركي دي آخر لفل
  

•  الكافيهات المرموقة زي ستاربكس وغيرها بيكسبوا أكتر من ٨٠٪ من ثمن كباية القهوة.. القهوة الحلوة مكلفة، بس مش للدرجة دي!
  

•  ماتشربش قهوة وانت جعان.
  

• القهوة الحقيقية لا تذوب في الماء. الماء الساخن بيتخلل القهوة المطحونة ياخذ منها النكهة والزيوت تاركاً وراءه التفل, زي الشاي بالضبط.
  

•  جرب تحط شوت إسبرسو زيادة على اللاتيه.
  

•  جرب السكر البني بدل السكر الأبيض مع القهوة.
  

•  جرب تقلل السكر وتاكل تمر مع القهوة.
  

•  جرب تحط تلات أو أربع ملاعق حليب سخن على القهوة التركي.
  

•  جرب تشرب قهوة بدون حليب أو سكر بعد أكلة تقيلة.
  

•  جرب كل حاجة لحد ماتلاقي قصة الحب الحقيقية  
  

•  ماتشربش قهوة قبل النوم ب٥ ساعات.. ح تصحى الصبح تعبان.
  

•  الdecaf مش عيب.
  

•  ماتخزنش البن في برطمان شفاف، أو منفذ للهواء.. الهواء والضوء بيأثروا على طعم القهوة.
  

•  هرمون (الكورتزول) المسأول عن الانتباه والصحصحة بيقل إفرازه بعد 90 دقيقة من الصحيان من النوم تقريباً, ده أنسب وقت تديها قهوة الصباح
  

•  القهوة مفيدة صحياً وبتقي من أمراض كتير.. بس مش للناس اللي عنها مشاكل في القلب أو الضغط.
  

• I rest my case اللي عنده حاجة زيادة يضيفها
  

• http://taherart.com/2015/11/28/40_rules_of_coffee/